Forseti tekur á móti nýjum sendiherra Noregs, Aud Lise Norheim, sem afhenti trúnaðarbréf sitt á Bessastöðum. Rætt var um samskipti ríkjanna og þau sögulegu menningartengsl sem tengja þau nánum böndum. Þá var rætt um formennsku Íslands í Norrænu ráðherranefndinni og Norðurskautsráðinu, atbeina Íslands í mannréttindamálum á vettvangi Sameinuðu þjóðanna og sameiginlegar áskoranir í bráð og lengd, ekki síst á sviði öryggis- og loftslagsmála, sem tengjast í raun þegar vel er að gáð.