Forseti tekur á móti Anu Irene Laamanen, nýjum sendiherra Finnlands, sem afhendir trúnaðarbréf sitt á Bessastöðum. Rætt var um traust samskipti Íslands og Finnlands í áranna rás og leiðir til að efla þau jafnvel enn frekar. Þá var rætt um aðild Finnlands að Atlantshafsbandalaginu og skýran stuðning Íslendinga í þeim efnum. Loks var rætt um ýmsa viðburði fram undan sem ætlað er að efla samband Íslands og Finnlands. Að lokinni afhendingu trúnaðarbréfs var boðið til móttöku fyrir embættismenn og aðra sem sinna samskiptum Íslands og Finnlands.