Forseti heimsækir Grunnskóla Vestmannaeyja og fær kynningu á þróunar- og rannsóknarverkefninu Kveikjum neistann. Markmið verkefnisins er að efla læsi og bæta líðan nemenda. Tveir yngstu árgangar grunnskólans taka nú þátt í verkefninu en miðað er að því að fylgja nemendum eftir frá upphafi skólagöngu og allt til loka hennar. Fyrsti árgangurinn sem tekur þátt hóf skólagöngu haustið 2021. Verkefnið er því komið á annað ár og hefur gefið góða raun. Forseti fékk kynningu á framgangi verkefnisins, ræddi við kennara og starfsfólk og heimsótti nemendur í skólastofum.