Forseti er heiðursgestur á lýðheilsu- og gönguhátíð Ferðafélags Íslands, Úlfarsfell 2000. Gengið var á Úlfarsfell á mörkum Mosfellsbæjar og Reykjavíkur frá þremur stöðum, undir leiðsögn göngustjóra FÍ. Á fjallinu voru svo haldnir tónleikar þar sem Helgi Björns og reiðmenn vindanna skemmtu göngufólki. Forseti flutti auk þess stutt ávarp þar hann minnti á mikilvægi lýðheilsu og forvirkra aðgerða á þeim vettvangi. Brýnt væri að nota jákvæða hvata og leggja mesta áherslu á að hver og einn njóti sín á eigin forsendum, í samræmi við eigin áhuga, vilja og getu. Gönguhátíðin á Úlfarsfelli var ætluð allri fjölskyldunni. Yngsti göngugarpurinn var rúmlega tveggja ára en sá elsti um áttrætt.