Forseti sækir opnunarhátíð Hinsegin daga, menningar- og mannréttindahátíðar hinsegin fólks í Reykjavík. Yfirskrift Hinsegin daga í ár er „Baráttan er ekki búin". Opnunarhátíðin fór fram í Gamla bíói með fjölbreyttri dagskrá. Hátíðarræðu ársins flutti Ólöf Bjarki Antons, formaður Trans Íslands, og Una Torfa flutti lagið Þú ert stormur sem er einkennislag hátíðarinnar í ár. Hinsegin dagar standa út vikuna með fjölbreyttri dagskrá og ná hápunkti sínum með gleðigöngunni í Reykjavík laugardaginn 12. ágúst.