Forseti tekur á móti Ramón Gordils, nýjum sendiherra Venesúela gagnvart Íslandi með aðsetur í Osló. Rætt var um framtíðarhorfur í Venesúela, stöðu efnahagsmála og lífskjör almennings. Sendiherra rakti sjónarmið þarlendra stjórnvalda í þeim efnum. Rætt var um flótta fólks frá Venesúela og ástæður þar að baki. Forseti rakti markmið og sjónarmið íslenskra stjórnvalda á alþjóðavettvangi á sviði mannréttinda og utanríkismála, jafnréttis- og umhverfismála.