Forseti flytur ávarp við setningu ráðstefnu IFRRO, alþjóðlegra höfundarréttarsamtaka. Fjölís, hagsmunafélag sjö höfundarréttarsamtaka á Íslandi, stendur að viðburðinum hér á landi. Í máli sínu minnti forseti á þau straumhvörf sem orðið hafa á síðustu árum þegar gervigreind þróast sífellt hraðar og möguleikar til að nýta hana verða sífellt fleiri – en ekki endilega til bóta eða innan ramma laga, sanngirni og siðferðis. Um leið nefndi forseti að fyrir Íslendinga skipti öllu að tryggja að íslenskt mál næði að eflast og dafna í stafrænum heimi samtímans.