Forseti flytur ávarp og sækir dagskrá í Bíó Paradís í Reykjavík í tilefni Alþjóða geðheilbrigðisdagsins. Ár hvert er 10. október helgaður þeim málaflokki um víða veröld. Vakin er athygli á mikilvægi geðheilbrigðis og nauðsyn þess að berjast gegn mismunum, fáfræði og fordómum í garð þeirra sem eiga við geðraskanir að stríða.

Í ávarpi sínu rifjaði forseti meðal annars upp að geðheilbrigðisdagurinn hefði fyrst verið haldinn árið 1996 og hefði Guðrún Katrín Þorbergsdóttir forsetafrú þá verið verndari hans. Mun það hafa verið hennar fyrsta opinbera embættisverk.