Forseti tekur á móti gestum Mýrarinnar, alþjóðlegrar barna -og unglingabókmenntahátíðar sem haldin er annað hvert ár í Norræna húsinu í Reykjavík. Þetta er í tíunda sinn sem Mýrin fer fram með ýmiss konar uppákomum og viðburðum fyrir börn, ungmenni og alla aðra sem láta sig barnabókmenntir varða. Á hátíðina er rithöfundum, myndhöfundum og fræðimönnum boðið, innlendum og erlendum, sem kynna verk sín með upplestri, vinnustofum, þátttöku í málstofum, viðtölum og sýningum. Áhersla er lögð á norrænar barna- og unglingabókmenntir.