Forseti tekur á móti starfsnemum frá erlendum sendiskrifstofum í Reykjavík. Nemarnir eru ráðnir tímabundið, samhliða háskólanámi, til sendiráða Danmerkur, Svíþjóðar, Noregs og Þýskalands, sendiskrifstofa Grænlands, Færeyja og Evrópusambandsins á Íslandi auk Norræna hússins. Rætt var um sögu Bessastaða og hlutverk forseta í stjórnskipan Íslands, gildi alþjóðasamstarfs og framtíðarhorfur í íslensku samfélagi.