Forseti tekur á móti fulltrúum Morgunblaðsins, í tilefni af 110 ára afmæli blaðsins í dag. Til Bessastaða fóru ritstjórarnir Davíð Oddsson og Haraldur Johannessen, Karl Blöndal aðstoðarritstjóri, Sigurbjörn Magnússon, formaður útgáfustjórnar, og Magnús Kristjánsson auglýsingastjóri. Meðal annars var rætt um stöðu fjölmiðla að fornu og nýju í íslensku samfélagi og framtíðarhorfur í þeim efnum. Einnig var rætt um ýmsa þætti í íslenskri stjórnskipun og atvik í sögu forsetaembættisins.