Forsetahjón taka þátt í óformlegri leitaræfingu á vegum Slysavarnafélagsins Landsbjargar til að vekja athygli á fjáröflun þess, sölu á Neyðarkallinum sem hófst í dag og stendur til 5. nóvember. Neyðarkallinn í ár er aðgerðastjórnandi og tóku forsetahjón þátt í æfingu með aðgerðastjórnendum og leitarfólki í Öskjuhlíð í Reykjavík.Hagnaður af sölunni rennur til björgunarsveita og slysavarnadeilda og er hann notaður til að efla og styrkja starfið.