Forseti er sæmdur gullmerki íslensku skátahreyfingarinnar við gleðilega athöfn á fjölskylduhátíð skáta að útilífsmiðstöðinni við Úlfljótsvatn. Við sama tilefni afhentu forseti og Harpa Ósk Valgeirsdóttir skátahöfðingi þeim skátum viðurkenningarskjal sem lentu í hremmingum á alþjóðamóti skáta í Suður-Kóreu í fyrrasumar, slæmu veðri og óviðunandi undirbúningi skipuleggjenda. Forseti Íslands er verndari skátahreyfingarinnar.