Forseti tekur á móti nýjum sendiherra Angóla, Cecília Caldeira da Conceição Rosário, sem afhendir trúnaðarbréf sitt á Bessastöðum. Forseti rakti sjónarmið Íslands á alþjóðavettvangi, áherslu á mannréttindi, virðingu fyrir alþjóðalögum, samstöðu í umhverfismálum og nýtingu grænnar orku. Þá var rætt um leiðir til að efla samskipti ríkjanna á ýmsum sviðum, ekki síst í sjávarútvegi. Loks ræddi sendiherra um áhuga Angóla á að efla ferðamennsku í landinu og vildi horfa til reynslu Íslendinga í þeim efnum.