Forseti tekur á móti nýjum sendiherra Máritaníu, Mohamed Mahmoud Brahim Khlil, sem afhendir trúnaðarbréf sitt á Bessastöðum. Forseti rakti sjónarmið Íslands á alþjóðavettvangi, áherslu á mannréttindi, virðingu fyrir alþjóðalögum, samstöðu í umhverfismálum og nýtingu grænnar orku. Þá var rætt um leiðir til að efla samskipti ríkjanna á ýmsum sviðum, ekki síst í sjávarútvegi. Loks rakti sendiherra hvernig innanlandsátök í grannríkjum Máritaníu hafa leitt til þess að fjöldi fólks hefur leitað þar skjóls.