Forseti sækir sumarhátíð MS-félags Íslands og flytur ávarp. Hátíðin er haldin á alþjóðadegi MS sem árlega fer fram í maí og er mánuðurinn allur tileinkaður fræðslu og vitundarvakningu um sjúkdóminn. Í ár er herferðin einkum tileinkuð fræðslu um greiningu á MS, með slagorðinu „höndlum MS saman". Hátíðin fór fram í MS-húsinu við Sléttuveg í Reykjavík og var þar boðið upp á veitingar og skemmtiatriði fyrir alla fjölskylduna.