Forseti og forsetafrú taka á móti Majed el-Shafie og föruneyti. El-Shafie ólst upp í Egyptalandi, játaði þar kristna trú og sætti fyrir vikið ofsóknum. Hann býr nú í Kanada og stýrir alþjóðasamtökunum One Free World International sem berjast fyrir trúfrelsi, mannréttindum og vernd allra gegn ofsóknum í nafni trúar eða annarra þátta. El-Shafie mun dvelja hér á landi næstu daga og hitta að máli ýmsa ráðamenn.