Forseti er viðstaddur afhjúpun afsteypu listaverksins Afrekshugur á Hvolsvelli. Nína Sæmundsson skóp þá styttu sem hefur trónað fyrir ofan anddyri Waldorf Astoria hótelsins í New York í Bandaríkjunum. Nína fæddist þennan dag fyrir 131 ári, ólst upp í Fljótshlíð, stundaði listnám í Danmörku og lagði höggmyndalist fyrir sig, fyrst íslenskra kvenna. Afrekshugur er eitt þekktasta verk íslenskrar listasögu.

Forseti afhjúpaði afsteypu verksins í miðbæ Hvolsvallar og naut við það aðstoðar leikskólabarna í sveitarfélaginu. Frekari upplýsingar um verkið og aðdraganda viðburðarins í dag má lesa hér.