Í dag eru merk tímamót í sögu lands og þjóðar, 120 ár frá því að Íslendingar fengu heimastjórn og framkvæmdavald fluttist hingað frá Danmörku. Stjórnarráð Íslands var stofnað og Hannes Hafstein varð ráðherra Íslands. Þessi umbylting í stjórnskipun landsins var ein forsenda framfara hér en meira þurfti til, erlent fjármagn, erlendar nýjungar og innlendan eldmóð, ekki síst þann sem kallaðist ungmennafélagsandi. Hann snerist um þá viðleitni að efla sjálfan sig og auka um leið þann styrk sem liggur í samtakamætti fjöldans. Á þessu byggjum við enn í dag.

Birtist fyrst á facebook-síðu forseta 1. febrúar 2024.